Тергеуге шақырылғанда не істеу керек?

3.1. Бірінші қадам — сабыр сақтау Тергеушіге шақырылған кезде азамат:

1. кім шақырғанын;
2. қандай органға шақырылғанын;
3. қандай процестік мәртебемен шақырылғанын;
4. қашан және қай уақытта келуі керектігін;
5. қандай мәселе бойынша шақырылғанын анықтауы керек.

Жасырынуға, жалған мекен жай беруге немесе тергеу органын әдейі адастыруға болмайды.

Бірақ шақырудың мақсаты түсініксіз болса, оны нақтылауға толық негіз бар.

3.2. Адвокат мәселесі Егер азамат өзінің қылмыстық іске қатысы болуы мүмкін екенін түсінсе, жауап алуға дейін адвокатпен кеңескені дұрыс.

Қорғаушының қатысуы қылмыстық процестің маңызды кепілдіктерінің бірі.

ҚПК қорғаушының міндетті қатысуының бірқатар жағдайларын көздейді.

Жоғарғы Соттың нормативтік қаулыларында да қорғаушының қатысуын қамтамасыз ету талабының маңыздылығы атап көрсетілген.

Азаматтың практикалық ұстанымы:

«Жауап беруден бұрын қорғаушыммен кеңескім келеді» деген өтініш жасау болуы мүмкін.